माणसं मगर होतील आणि महिलांना दाढी येईल असं म्हणणाऱ्या राष्ट्राध्यक्षांचे मोदींना पत्र
मुंबई -
कोरोनाच्या पार्श्वभूमीवर ब्राझीलचे राष्ट्राध्यक्ष म्हणाले की कोरोनावरील लस घेतली, तर माणसं मगर होतील आणि महिलांना दाढी येईल, असे वक्तव्य करणारे ब्राझीलचे राष्ट्राध्यक्ष जैर बोलसोनारो यांनी आता लसीसाठी भारताकडे मदत मागितली आहे. बोलसोनारो यांनी पंतप्रधान नरेंद्र मोदी यांना लसीसाठी पत्र लिहिले आहे. ब्राझीलला दोन कोटी डोस तात्काळ द्यावेत, अशी विनंती त्यांनी केली आहे. भारताने कोरोनावरील दोन लसींना आपत्कालीन वापराला परवानगी दिल्यानंतर ही मागणी करण्यात आली आहे. भारतात कोरोनाच्या दोन लसीना परवानगी कोव्हॅक्सिन आणि कोविशिल्ड या लसींना परवानगी दिल्यानंतर ब्राझीलचे राष्ट्राध्यक्ष यांनी पंतप्रधान नरेंद्र मोदी यांना पत्र लिहिले आहे.
अॅस्ट्रॉझेनेकाच्या लसीचा तात्काळ पुरवठा करावा, असे आवाहन बोलसोनारो यांनी केले आहे. ऑक्सफर्ड आणि एस्ट्रॉझेनेकाच्या लसीला परवानगी मिळालेली असून, पुण्यातील सीरम इन्स्टिट्यूटमध्ये ही लस तयार केली जात आहे. भारतात ही लस कोविशिल्ड नावाने बाजारात आणली गेली आहे. बोलसोनारो यांचे पत्र त्यांच्या माध्यम कार्यालयाने प्रसिद्ध केले आहे. ब्राझीलमध्ये राष्ट्रीय लसीकरण कार्यक्रम तातडीने सुरू करण्यासाठी भारतातील लसीकरण मोहिमेवर कोणताही परिणाम होणार नाही, याची काळजी घेत कोविड लसीचे २० लाख डोस तातडीने पाठवावे असे बोलसोनारो यांनी पत्रात म्हटले आहे. कोरोनाचा सर्वाधिक फटका बसलेल्या देशांच्या क्रमवारीत ब्राझील दुसऱ्या क्रमांकावर आहे. ब्राझीलमध्ये कोरोनामुळे दोन लाखांहून अधिक लोकांचा मृत्यू झाला आहे.
“मोदी आणि ट्रम्प यांच्या दोस्तीचे दुष्परिणाम भविष्यात भारताला भोगावे लागणार'' - अनंत गाडगीळ
दिल्ली -
अमेरिकेच्या काल घडलेल्या अनपेक्षित घटनेमुले पडसाद जगभर पसरले आहे. लोकशाहीवर बुधवारी अध्यक्ष समर्थकांनीच हल्ला केल्यामुळे प्रचंड खळबळ उडाली लौकिकाला बाधा पोहोचवणाऱ्या कालच्या घटनेस जबाबदार असलेल्या राष्ट्राध्यक्ष डोनाल्ड ट्रम्प यांच्या हजारो समर्थकांनी ‘कॅपिटॉल’ या संसदेच्या इमारतीमध्ये धुडगूस घातला. यांच्यासारख्या बेजबाबदार व्यक्तीसाठी लाखो रुपये खर्च करून पंतप्रधान नरेंद्र मोदी यांनी अहमदाबाद येथे ट्रम्प यांच्या निवडणूक प्रचारासाठी जणू एक मोठी रॅली आयोजित केली होती. निवडणुकीत उमेदवार असलेल्या दुसऱ्या राष्ट्राच्या अध्यक्षासाठी एखाद्या देशात अशी रॅली सहसा आयोजित करणे परराष्ट्र धोरणाला अनुसरुन होत नसते.
अशा ट्रम्प यांच्यासोबतच्या नरेंद्र मोदी यांच्या दोस्तीचे दुष्परिणाम भविष्यात भारताला भोगावे लागणार आहेत, अशी टीका काँग्रेस प्रवक्ते माजी आमदार अनंत गाडगीळ यांनी केली आहे. इंग्लडमध्ये नवा कोरोनाचा प्रकार पसरू लागला असतानासुद्धा इंग्लडच्याच पंतप्रधानांना प्रजासत्ताक दिनाला प्रमुख पाहुणे म्हणून बोलविण्यात आले होते. आता तर तो दौराही रद्द करण्यात आल्यामुळे भारतावर नामुष्कीची वेळ आली आहे. याशिवाय भारताभोवतालच्या नेपाळ, श्रीलंका व भूतान या देशामधील राजकीय घटना व चीनचा या देशांवरील वाढत चाललेला प्रभाव या साऱ्यामुळे मोदींच्या परराष्ट्र धोरणातील अपरिपक्वता उघड झाली आहे, असेही गाडगीळ म्हणाले.
IAF मिशन मोडवर, देशातील अरुणाचल प्रदेश, लडाख सारख्या दुर्गम भागांमध्ये लस पोहचवणार
दिल्ली -
भारतात मध्ये दोन कोरोना प्रतिबंधक लसींना मर्यादीत आपत्कालीन वापरासाठी मान्यता देण्यात आली असून यात सीरमची कोव्हिशिल्ड आणि भारत बायोटेकच्या कोव्हॅक्सिन लसीचा समावेश आहे. भारतात सर्व भागांमध्ये लस पोहोचवण्यासाठी इंडियन एअर फोर्सच्या वाहतूक ताफ्यातील विमानांचा वापर करण्यात येणार आहे. यात C-130J आणि AN-32 सारखी मोठी विमाने लसी पोहोचवण्यासाठी वापरण्यात येणार आहे.
लस उत्पादकांनी विशेष कंटेनर्सची व्यवस्था केली आहे. वाहतुकी दरम्यान लसी अपेक्षित तापमानात स्टोअर करण्याची पूर्ण व्यवस्था करण्यात आली आहे. वरिष्ठ सरकारी अधिकाऱ्याने इंडिया टुडेला ही माहिती दिली. अरुणाचल प्रदेश, लडाख सारख्या दुर्गम भागांमध्ये लसी पोहोचवण्यासाठी इंडियन एअर फोर्स आपल्या ताफ्यातील मालवाहतूक विमानांचा वापर करणार आहे.
हवाई मार्गे लस पोहोचवण्यासाठी मोठया प्रमाणात व्यावसायिक विमानांचा केला जाईल. एअर फोर्स या व्यावसायिक विमानांना लष्करी धावपट्ट्यांचा वापर करण्याची परवानगी देईल. सहसा व्यावसायिक विमाने लष्करी धावपट्ट्यांचा वापर करत नाही. देशातील दुर्गम भागांपर्यंत पोहोचण्यासाठी एअर फोर्सच्या विमानांचा वापर केला जाईल. योजनेनुसार, गरज पडली तर लस पोहोचवण्यासाठी एअरफोर्स आपल्या हेलिकॉप्टर्सचा सुद्धा वापर करेल. लस वाहतुकी संदर्भात अजून चर्चा सुरु आहे.
पाच वरिष्ठ नेत्यांना मोदींनी दिल्या वाढदिवसाच्या शुभेच्छा: ममता बॅनर्जींना फोनही केला नाही पत्रही पाठवले नाही
दिल्ली -
५ जानेवारी हा दिवस अनेक राजकीय नेत्यांसाठी महत्वाचा दिवस आहे. ह्या दिवशी एक सोबत ५ राजकीय नेत्यांचा वाढदिवस असतो. कारण, या दिवशी पश्चिम बंगालच्या मुख्यमंत्री ममता बॅनर्जी यांच्यासह इतर विविध राजकीय पक्षांच्या पाच वरिष्ठ नेत्यांचे वाढदिवस असतो. या नेत्यांपैकी काही जणांना पंतप्रधान नरेंद्र मोदी यांनी स्वतः फोन करुन वाढदिवसाच्या शुभेच्छा दिल्या. तर काहींना शुभेच्छा पत्रे पाठवली. मात्र, ममता बॅनर्जींना मोदींनी शुभेच्छांसाठी फोन केला नाही की शुभेच्छा पत्रही पाठवले नाही.
तृणमूल काँग्रेसच्या नेत्या ममता बॅनर्जी काँग्रेसचे वरिष्ठ नेते आनंद शर्मा, डीएमकेचे नेत्या कनिमोळी, भाजपाचे दिग्गज नेते मुरली मनोहर जोशी आणि उत्तर प्रदेशचे माजी मुख्यमंत्री आणि भाजपा नेते कल्याण सिंह यांचा ५ जानेवारी रोजी वाढदिवस असतो. पंतप्रधान नरेंद्र मोदी यांनी फोन करुन कल्याण सिंह यांना शुभेच्छा दिल्या तर जोशींना ट्विटद्वारे शुभेच्छा दिल्या. तसेच काँग्रेस नेते आनंद शर्मा यांना शुभेच्छा पत्र पाठवले. पंतप्रधानांनी पत्र पाठवल्याने शर्मा यांनी सुखद आश्चर्य व्यक्त केले. मात्र, मोदींनी ममता बॅनर्जींना शुभेच्छा देण्याचा विसर पडला.
ममता बॅनर्जी यांचा राजकीय प्रवास पाहिल्यास त्यांचा १५ वर्षांच्या असतानाच राजकारणात प्रवेश झाला. त्यांनी १५ व्या वर्षी जोगमाया देवी कॉलेजमध्ये विद्यार्थी परिषद संघटनेची स्थापना केली, जी इंदिरा काँग्रेस पक्षाची स्टुडंट विंग होती. या पक्षाने कम्युनिस्ट पक्षाच्या ऑल इंडिया डेमोक्रेटिक स्टुडंट्स ऑर्गनायझेशनला हरवलं होतं. याद्वारे त्यांनी पश्चिम बंगालच्या राजकारणात एका नव्या सुर्योदयाचा आभास करुन दिला होता.
