१४ फेब्रुवारी - वाइन विक्री विरोधावरुन खडसेंचा हल्लाबोल..
NEWS24सह्याद्रि
किराणा दुकानातून वाइन विक्री करणार नाही तसेच वाइन विक्रीचा निर्णय जनतेला विचारात घेऊन करण्याचे आश्वासन राज्य सरकारने दिल्यामुळे ज्येष्ठ समाजसेवक अण्णा यांनी आजपासून सुरू होणारे नियोजित उपोषण स्थगित करण्याचा निर्णय घेतला आहे.मात्र याच मुद्द्याचा आधार घेत राष्ट्रवादी काँग्रेसचे नेते एकनाथ खडसे यांनी भाजपाची वाइन विक्रीसंदर्भातील भूमिका दुटप्पी असल्याचा टोला लगावलाय. रविवारी सायंकाळी भुसावळमधील एका कार्यक्रमात बोलताना त्यांनी वाइन विक्रीला विरोध करणाऱ्या भाजपावर निशाणा साधला.
वाइन बाबत भाजपा एका राज्यात विरोध करते तर दुसरीकडे स्वागत करत आहे, अशी स्थिती असल्याचं खडसे म्हणालेत. वाइन ही दारू आहे त्यामुळे अण्णा हजारे यांनी यासाठी विरोध केला आहे असं सांगण्यात येत असल्याचा उल्लेख करत खडसेंनी भाजपाची सत्ता असणाऱ्या इतर राज्यांचं उदाहरण दिलं.
१४ फेब्रुवारी- १४ फेब्रुवारी-प्रसाद लाड यांची आक्रमक भूमिका
NEWS24सह्याद्रि
काही दिवसांपूर्वी काँग्रेसनं भाजपचे विरोधी पक्ष नेते देवेंद्र फडणवीस यांच्या घराबाहेर आंदोलन करण्याचा इशारा दिल्यानंतर भाजप नेतेही आता आक्रमक झाले आहेत.आता त्या विरोधात भाजप आमदार प्रसाद लाड यांनी हल्ल्याची भाषा करालं , तर आम्हीही तसचं उत्तर देऊ असं म्हटलंय.
. आमच्या नेत्याबद्दल बोलला अजून आक्रमक उत्तर मिळेल.त्यावेळी ते असहि म्हणालेत की अण्णा म्हणतात मला जगण्याची इच्छा नाही मग या गोष्टीला आता काँग्रेसनं उत्तर द्यावं, असंही लाड म्हणाले.त्याचबरोबर अण्णा हजारेंबद्दल काँग्रेसचं काय मत आहे, असा सवाल प्रसाद लाड यांनी केला.
१३ फेब्रुवारी-जेवढं भुंकायचं असेल तेवढं भुंका-संजय राउत
NEWS24सह्याद्रि
पुण्यातील जम्बो कोव्हिड सेंटरमध्ये भ्रष्टाचार झाल्याचा भाजप नेते किरीट सोमय्या यांनी आरोप केला आहे. या घोटाळ्यात त्यांनी शिवसेना नेते संजय राऊत यांच्या निकटवर्तीयांचा समावेश असल्याचा दावा केला आहे. सोमय्या यांच्या या आरोपांना शिवसेना प्रत्युत्तर देणार आहे.
पुण्यातील जम्बो कोव्हिड सेंटरमध्ये भ्रष्टाचार झाल्याचा भाजप नेते किरीट सोमय्या यांनी आरोप केला आहे. या घोटाळ्यात त्यांनी शिवसेना नेते संजय राऊत यांच्या निकटवर्तीयांचा समावेश असल्याचा दावा केला आहे. सोमय्या यांच्या या आरोपांना शिवसेना प्रत्युत्तर देणार आहे. येत्या मंगळवारी 15 फेब्रुवारी रोजी शिवसेनेची पत्रकार परिषद होणार आहे. ही माझी पत्रकार परिषद नसेल. ती शिवसेनेची असेल. त्यानंतर महाविकास आघाडीची पत्रकार परिषद असेल. त्यामुळे तुम्हाला काय फायली काढायच्या त्या काढा. जेवढं भुंकायचं असेल तेवढं भुंका, असं शिवसेना नेते संजय राऊत यांनी म्हटलं आहे. संजय राऊत यांनी मीडियाशी संवाद साधताना भाजपला करारा जवाब देणार असल्याचं स्पष्ट केलं. त्यामुळे शिवसेना काय उत्तर देणार? याकडे सर्वांचं लक्ष लागलं आहे.
११ फेब्रुवारी- मोहीत कंबोज यांचं खुलं आव्हान
NEWS24सह्याद्रि
सध्या पाच राज्यांमधल्या निवडणुकांचा हंगाम सुरू असून राजकीय वातावरण चांगलंच तापलं आहे. देशभरात भाजपा आणि काँग्रेस या राष्ट्रीय पक्षांसोबतच प्रादेशिक पक्षांनीही आपापली ताकद पणाला लावली आहे. या पार्श्वभूमीवर शिवसेनेनं देखील गोवा, उत्तर प्रदेश या ठिकाणी उमेदवार उभे केले आहेत. शिवसेना खासदार संजय राऊत सध्या निवडणूक असणाऱ्या राज्यांमध्ये दौरा करत असून त्यांना भाजपाकडून आव्हान देण्यात आलं आहे.भाजपा नेते मोहित कंबोज यांनी संजय राऊतांवर ‘महाराष्ट्रातील सलीम-जावेद जोडीतील जावेद’ असं म्हणत खोचक निशाणा देखील साधला आहे.
संजय राऊतांच्या निवडणूक दौऱ्यांना लक्ष्य करत मोहित कंबोज यांनी निशाणा साधला आहे. “माझा तुम्हाला प्रश्न आहे. ४० वर्षांपासून तुम्ही शिवसेनेत आहात. पूर्ण देशभरात फिरून तुम्ही निवडणुकीचं काम करत आहात. मला एक सांगा, आजपर्यंत तुम्ही कोणती निवडणूक लढवली? कोणत्या ठिकाणी असं झालं की तुम्ही जाऊन प्रचार केला आणि तो उमेदवार निवडून आला. तुम्ही जिथे जिथे गेलात, तिथे उमेदवाराचं डिपॉझिट जप्त झालं”, असं मोहित कंबोज म्हणाले.
यावेळी मोहित कंबोज यांनी संजय राऊतांना मुंबई पालिकेची निवडणूक लढवण्याचं आव्हान दिलं आहे. “मी तुम्हाला आव्हान देतो राऊतसाहेब. २०२२च्या महानगरपालिका निवडणुकीत तुमची चाणक्यनीती दाखवून द्या. मुंबईतला तुम्हाला वाटेल तो सर्वात सुरक्षित वॉर्ड घ्या आणि तिथून निवडणूक जिंकून दाखवा. तेव्हा आम्ही मानू की तुम्ही किती मोठे चाणक्य आहात. २०२२ आणि २०२४-२९ च्या गोष्टी तुम्ही करता. उत्तर प्रदेशपासून गोवा आणि कन्याकुमारीपासून काश्मीरपर्यंतच्या गप्पा तुम्ही करता. पण त्याआधी २०२२मध्ये संजय राऊत निवडणूक जिंकू शकतात का, हे लोकांना सिद्ध करून दाखवा”, अशा शब्दांत मोहित कंबोज यांनी निशाणा साधला आहे.
११ फेब्रुवारी-किरीट सोमय्या संतापले
NEWS24सह्याद्रि
पुणे महापालिकेत धक्काबुक्की झाल्यानंतर भाजपाचे नेते आणि माजी खासदार किरीट सोमय्या पुन्हा एकदा पुण्यात दाखल झाले आहेत. किरीट सोमय्या महापालिका आयुक्त विक्रम कुमार यांची भेट घेऊन जम्बो कोविड सेंटरमधील घोटाळ्याप्रकरणी निवेदन देऊन कारवाईची मागणी करणार होते. पण यावेळी शिवसेनेच्या कार्यकर्त्यांनी धक्काबुक्की केल्याने किरीट सोमय्या पायरीवर पडून जखमी झाले होते. दरम्यान भाजपा आता त्याच पायरीवर किरीट सोमय्या यांचा सत्कार करत शिवसेनेला उत्तर देणार आहे. मात्र त्याआधी किरीट सोमय्या यांनी मुख्यमंत्री उद्धव ठाकरे तसंच शिवसेनेवर गंभीर आरोप केले.
पुणे विमानतळावर किरीट सोमय्या यांनी प्रसारमाध्यमांशी संवाद साधला. यावेळी ते म्हणाले की, “महाराष्ट्राच्या जनतेने लोकांच्या जीवाशी खेळण्याचा ठेका उद्धव ठाकरेंना दिला आहे का? उद्धव ठाकरे यांनी संजय राऊतांच्या मदतीने कोविडमध्ये लोकांच्या जीवाशी खेळण्याचं पाप केलं असून कारवाई झाली पाहिजे. मी आज पुन्हा एकदा पोलीस, महापालिका यांना आग्रह करणार आहे की, घोटाळा करणारी कंपनी हेल्थकेअर लाइफलाइन यांच्यावर कारवाई करा”.
“गेल्यावेळी मुख्यमंत्री कार्यालयाने १०० गुंड पाठवले आणि तक्रार होऊ दिली नाही. कारवाई कशी होत नाही, पाहतोच,’” असा इशारा यावेळी त्यांनी दिला. पुढे ते म्हणाले की, “सत्काराला महत्व नाही. त्या कंपनीवर कारवाई करावी लागणारच आहे. संजय राऊतांना जाब द्यावा लागणार. संजय राऊत धमकी कोणाला देतात?”.
“संजय राऊतांना एवढी मस्ती, गुर्मी आहे की मी लोकांचा जीव घेणार. बोगस कंपन्याकंडून कंत्राट घेणार, महाराष्ट्रातील लोकांची हत्या होऊ देणार आणि त्यानंतर काही होणार नाही असं वाटत असेल तर ते मूर्ख आहेत. अनिल देशमुख जेलमध्ये गेलेत. संजय राऊतांचे मित्र, परिवार, पार्टनर यांच्यावर कारवाई होणारच,” असा विश्वास किरीट सोमय्यांनी व्यक्त केला आहे.
किरीट सोमय्या यांना झालेल्या धक्काबुक्कीनंतर शिवसेनेच्या शहर प्रमुखांसह १० जणांना अटक करून न्यायालयात हजर करण्यात आलं होतं. त्यांना जामीनदेखील मंजूर झाला. दरम्यान दुपारी ४ वाजता किरीट सोमय्या महापालिकेत येऊन आयुक्तांची भेट घेणार आहेत. त्यापूर्वी ज्या पायरीवर सोमय्या यांना धक्काबुक्की झाली तिथे भाजपाकडून जंगी स्वागत आणि पुष्पहार घालण्यात येणार आहे. या कार्यक्रमादरम्यान कोणताही अनुचित प्रकार घडू नये यासाठी चोख बंदोबस्त ठेवण्यात आला असून महापालिकेला छावणीचे स्वरुप आले आहे.
६ फेब्रुवारी -“गोव्यात मुख्य विरोधक शिवसेना,आप, टीएमसी नाही,तर”;मुख्यमंत्री प्रमोद सावंतांचं वक्तव्य..
NEWS24सह्याद्रि
गोव्यात पुढील वर्षी म्हणजेच २०२२ मध्ये विधानसभा निवडणूक होणार आहे. त्यामुळे आता विविध राजकीय पक्षांनी मिशन २०२२ साठी तयारी सुरू असल्याचे दिसून येत आहे. भाजपा, काँग्रेस, शिवसेना, आप, टीएमसी हे पक्ष राजकीय आखाड्यात उतरले आहेत. यावर गोव्याचे मुख्यमंत्री प्रमोद सावंत यांनी आपली भूमिका मांडली आहे.
“लोक आमच्या बरोबर आहेत. विरोधकांनी कितीही अफवा पसरवल्या तरी मला विश्वास आहे. परत एकदा भाजपाचं सरकार गोव्यामध्ये स्थापन होईल. गोव्या मुख्यत: विरोधक म्हणून काँग्रेस पक्ष आहे. बाकी कोणी विरोधक असणार नाही. प्रथम राज्य म्हणून मी काम करत आहे. राज्याच्या हिताच्या आड येणाऱ्या प्रत्येक मानसाला मी घरी पाठवले आहे.”
६ फेब्रुवारी- महाराष्ट्र सरकार हे कसे सहन करते-संजय राऊत
NEWS24सह्याद्रि
अनिल देशमुख हे माजी गृहमंत्री ईडीच्या कारवाईमुळे तुरुंगात आहेत. इतरही मंत्री देशमुखांच्या बाजूच्या कोठडीत लवकरच जातील, अशी धमकी काही मंडळी केंद्रीय पोलिसांच्या संरक्षणात देतात तेव्हा महाराष्ट्र सरकार हे कसे सहन करते, असा प्रश्न पडतो. राज्याचे पोलीस, राज्यातील प्रशासन, राज्यातील आर्थिक गुन्हे विभाग यांना न जुमानता केंद्रीय तपास यंत्रणा एखाद्या राज्यात मनमानी करीत असतील तर भाजपविरोधी मुख्यमंत्र्यांनी एकत्र यायला हवे असं संजय राऊत सामनाच्या रोखठोकमधून म्हणाले आहेत.
“भारतीय जनता पक्षाचे लोक धुतल्या तांदळासारखे स्वच्छ नाहीत व रोज दुधाने स्नान करीत नाहीत. सत्तेतून व गैरव्यवहारातून प्रचंड पैसा व मनी लाँडरिंग त्यांनी केलेच आहे. राज्याची आर्थिक गुन्हे शाखा अशा वेळी काय करते? महाराष्ट्राचे गृहमंत्रालय व विधी न्याय मंत्रालय यांचा जीर्णोद्धार करण्याची गरज आहे असे या वेळी वाटते. दादरा नगर हवेलीचे खासदार मोहन डेलकर यांनी मुंबईत आत्महत्या केली. आत्महत्येच्या चिठ्ठीत भाजपने नेमलेले मग्रूर प्रशासक प्रफुल खोडा पटेलपासून अनेकांची नावे आहेत. डेलकरांच्या आत्महत्येबाबत राज्य सरकारने एका ‘एसआयटी’ची स्थापना केली. त्या एसआयटीने प्रफुल खोडा पटेलना चौकशीसाठी साधे समन्स पाठवू नये? हे धक्कादायक वाटते. केंद्र सरकार, भाजपचे नेते महाराष्ट्र व प. बंगालशी सूडाने वागतात. राजकीय विरोधकांवर खोटे गुन्हे दाखल करतात व राज्याचे सरकार हातावर हात ठेवून स्वस्थ बसले आहे. मंत्र्यांना तुरुंगात टाकण्याची भाषा केली जाते व महाराष्ट्र सरकारची साधी सळसळ होत नाही,” असंही ते म्हणाले आहेत.
