amrutasingh
bolywood
coffeewithkaran
Entertainment
ibeahimkhan
kareenakapoor
saraalikhan
February 07, 2022
७ फेब्रुवारी-करिनाला का आई म्हणत नाही सारा?
NEWS24सह्याद्रि
बॉलिवूडची बेबो अभिनेत्री करीना कपूर खान आणि सैफ अली खान यांची जोडी ही बॉलिवूडमधील लोकप्रिय जोड्यांपैकी एक आहे. करीनाशी लग्न करण्याआधी सैफचे अभिनेत्री अमृता सिंगशी लग्न केले होते. त्यांना दोन मुलं असून सारा अली खान आणि इब्राहम खान अशी त्याची नावं आहेत. तर, अशा वेळेस करीनाचं तिच्या सावत्र मुलांसोबत म्हणजेच सारा आणि इब्राहम यांच्याशी नातं जोडणं खूप महत्त्वाचं होतं. एका मुलाखतीत साराने तिच्यात आणि करीनात असलेल्या नात्यावर वक्तव्य केलं होतं. एवढंच काय तर तिने करीनाला आई का बोलत नाही त्याच कारण देखील सांगितलं आहे.
सारा आणि सैफने दिग्दर्शक करणच्या ‘कॉफी विथ करण’ या टॉक शोमध्ये हजेरी लावली होती. त्यावेळी करणने साराला तिच्या आणि करीनाच्या नात्यावर प्रश्न विचारला. “करीनाला ती छोटी आई म्हणून हाक मारते का?” असा प्रश्न करणने साराला विचारला. त्यावर हसत सारा म्हणाली, “माझ्या वडिलांनी माझ्यावर कधीही करीना आमची दुसरी आई आहे असा दबाव टाकला नाही. यामुळे आम्हाला असं कधीच वाटलंच नाही की आम्ही करिनाला आई म्हणून हाक मारावी. मी करीनाला छोटी आई म्हणून हाक मारली तर करीनाला धक्का बसेल आणि ती म्हणेल हे काय? आणि छोटी आई बोलायंच नाही असं म्हणेल. तर मी करीनाला के किंवा करीना नावाने हाक मारते.”
