सरदार उधम सिंग- एका सच्च्या स्वातंत्र्यवीराची कथा
इतिहासातील नोंदीप्रमाणे , १३ मार्च १९४० रोजी पंजाब प्रांताचे माजी लेफ्टनंट गव्हर्नर मायकेल ओडवायर (शॉन स्कॉट) यांची सरदार उधम सिंग (चित्रपटातील नायक विकी कौशल) यांनी गोळ्या झाडून हत्या केली होती.
उधम हा भगतसिंग (अमोल पराशर) पेक्षा काही वर्षांनी मोठा असला तरी, तरीही तो धगधगत्या क्रांतिकारकांकडे आदराने व कौतुकाने पाहतो. तो भगतसिंगच्या हिंदुस्तान सोशालिस्ट रिपब्लिकन असोसिएशन (HSRA) मध्ये सामील होतो आणि त्त्याच्यासाठी बंदुका आणि दारूगोळा खरेदी करण्यासाठी मदत करतो हे या चित्रपटात दाखवले आहे. 1931 मध्ये भगतसिंग यांच्या मृत्यूनंतर, तो परदेशात स्थलांतरित झाला आणि भारतीय स्वातंत्र्य सैनिकांसाठी एकल एजंट म्हणून काम करू लागला . अमेरिका, रशिया, स्पेन आणि जर्मनीसारख्या दूरच्या ठिकाणांहून निधी आणि बंदुकांची तो व्यवस्था करत असे . तो आपल्याकडे अनेक पासपोर्ट आणि उपनावे राखतो, चित्रपटात अंतर्वस्त्र सेल्समन, वेल्डर,पेन,कागद यांचा व्यापार असे अनेक व्यवसाय तो स्वीकारतो आणि इंग्रजांच्या छळाचा बदला घेण्यापूर्वी अनेक वर्षे ब्रिटिश गुप्त पोलिसांपासून दूर राहतो. तो आयरिश रिपब्लिकन आर्मीशी (IRA) संबंध असलेल्या आयलीन (किर्स्टी एव्हर्टन) या इंग्लिश महिलेच्या जवळ असल्याचे दाखवण्यात आले आहे. उधम लंडनमध्ये आयआरएच्या कार्यकर्त्यांना भेटतो आणि त्यांना त्यांचा संघर्ष आणि त्याचा संघर्ष सारखाच आहे हे पटवून देतो. दिग्दर्शक शूजित सरकार यांनी या सर्व पैलूंची निष्ठेने पुनर्रचना केली आहे असं म्हणता येईल. या ऐतिहासिक व्यक्तीबद्दल फारशी माहिती नाही.
चित्रपटाच्या उत्तरार्धात जालियनवाला बाग हत्याकांडाचा सर्व रक्तरंजित तपशिल पुन्हा तयार करण्यात सरकर जवळपास ४५ मिनिटे घालवतात. हा भाग बघणे एक कठीण काम आहे , परंतु उधम सिंगने 20 वर्षे आपल्या हृदयात सूडाची आग का पेटवली हे समजून घेण्यासाठी ते नक्की पहा. उधम अजूनही जिवंत असलेल्या पीडितांची काळजी घेतो, त्यांना पाणी पाजतो, त्यांना थेलामधील हॉस्पिटलमध्ये नेतो, थकवा येऊन कोसळेपर्यंत तो हे काम पुन्हा पुन्हा करत असल्याचे दाखवले आहे. “कोई जिंदा है?” असं तो विचारतो, आणि तुमच्या अंगावर रोमांच उठतात . ही सरकारची सर्वात मार्मिक सिनेमॅटिक कामगिरी आहे. तो दर्शकांना , त्यांना उधमासारखे असहाय्य, सुन्नपनांची भावना देताना कोणतीही कसर ठेवत नाही . यानंतर शब्दांची गरजच नाही. कारण त्याची ती प्रतिमा तुम्हाला अक्षरशः संमोहित करते आणि पुढचे काही दिवस झपाटून टाकते .
कला दिग्दर्शन, सिनेमॅटोग्राफी, ध्वनी रचना हे सर्व जागतिक दर्जाचे आहे. जणू काही सरकरने आम्हाला कोणत्या तरी मार्गाने फिरवून वेळेत परत आणले आहे. सरळमार्गी नसलेले कथन देखील चित्रपटाच्या बाजूने कार्य करते. हा चित्रपट जवळपास तीन तासांचा आहे पण एकदाही कंटाळा आला नाही. जर कलाकारांनी त्यांचे काम योग्य केले नाही तर जगातील सर्व तांत्रिक कौशल्यांना काही अर्थ नाही. हा चित्रपट विकी कौशलच्या सक्षम खांद्यावर उभा आहे आणि त्याने उधम सिंगची भूमिका साकारण्यासाठी आपला जीव ओतून काम केले आहे. ही त्याची आतापर्यंतची सर्वोत्तम कामगिरी आहे. त्यांनी चित्रित केलेल्या व्यक्तिरेखेच्या सर्व छटा चांगल्या प्रकारे धारण केल्या आहेत, आणि उधम सिंगचा प्रत्येक पैलू आपल्याला गोष्टी अनुभवायला लावतो -- मग तो त्यांचा क्रांतिकारी आवेश असो, भगतसिंग यांच्याबद्दल असलेले प्रेम आणि आदर असो, की जालियनवाला बाग हत्याकांडामुळे निर्माण झालेली वेदना आणि त्याच्या गुप्त शोधाचा एकटेपणा असो. दरम्यान, हे सर्व अभिव्यक्तीच्या, देहबोलीतील सूक्ष्म बदलांद्वारे केले जाते. तो चित्रपटात एकदाही मोठा आवाज करत नाही, नव्हे त्याला ती गरजच भासत नाही.कारण त्याचे डोळे आणि शांतता त्याने चित्रित केलेल्या पात्राची लपलेली खोली प्रेक्षकांसमोर व्यक्त करून देते.
सरदार उधम सारखे चांगले बायोपिक आपलयाकडे क्वचितच बनतात . आशा आहे की आता उधम सिंगच्या या बायोपिक नंतर, कदाचित शूजित सरकार भगतसिंगचा देखील बायोपिक बनवतील. हा चित्रपट थिएटरमध्ये प्रदर्शित होण्यास अतिशय पात्र आहे आणि आम्हाला आशा आहे की निर्माते नजीकच्या भविष्यात याबद्दल नक्कीच विचार करतील.
वाचा! डिसेंबरमध्ये रिलीज होणारे चित्रपट आणि वेब सिरीज ज्याची प्रत्येकजण आतुरतेने वाट पाहतोय
नोव्हेंबरचा शेवटचा आठवडा आणि डिसेंबरचा महिना हा चित्रपट आणि मालिका रसिकांसाठी खूपच खास ठरणार आहे. कारण या महिन्यात मोस्ट अवेटेड मनी हिस्टच्या 5 व्या सीझनचा दुसरा भाग प्रदर्शित होतोय. या वर्षाच्या अखेरीस, नेटफ्लिक्स, अॅमेझॉन प्राइम, डिस्ने प्लस हॉटस्टार, वूट सिलेक्ट आणि झी 5 यासह अनेक चित्रपट आणि वेब सीरिज OTT वर प्रदर्शित होणार आहेत, ज्याची प्रेक्षक अगदी आतुरतेने वाट पाहत आहेत. तर बघूया OTT वर कोणते चित्रपट आणि वेब रिलीज होणार आहेत -
१. दिल बेकरार
२६ नोव्हेंबर - डिस्ने प्लस हॉटस्टार
हबीब फैसल दिग्दर्शित 'दिल बेकरार' मध्ये राज बब्बर, पद्मिनी कोल्हापुरे, पूनम ढिल्लन, अक्षय ओबेरॉय आणि सहार बंबा यांच्या प्रमुख भूमिका आहेत. अनुजा चौहानच्या दोज प्राईसी ठाकूर गर्ल्स या कादंबरीवर ही वेब सीरिज आहे.
२. छोरी
26 नोव्हेंबर - Amazon Prime Video
'छोरी' हा हॉरर चित्रपट प्राइमवर रिलीज होणार आहे,ज्यामध्ये नुसरत भरुचा मुख्य भूमिकेत आहे. विशाल फुरिया दिग्दर्शित हा चित्रपट लपाछपी या मराठी चित्रपटाचे अधिकृत रूपांतर आहे.
३. मनी हाइस्ट
डिसेंबर ३ - नेटफ्लिक्स
अॅलेक्स पिना निर्मित, मनी हेस्ट त्याच्या शेवटच्या सीझनसह परत आला आहे. हे 3 डिसेंबर रोजी Netflix वर रिलीज होईल आणि त्यात उर्सुला कोरबेरो, अल्वारो मोर्टे, इत्ज़ियर इटुनो, पेड्रो अलोंसो, मिगुएल हेरान, जैमे लोरेंटे, एस्तेर एसेबो यांच्या भूमिका आहेत. या सीझनमध्ये प्राध्यापकाच्या जीवाला धोका आहे, अशा स्थितीत हा दरोडा कसा यशस्वी होतो, याची प्रत्येक चाहत्याला प्रतीक्षा आहे.
४. बॉब बिस्वास
डिसेंबर ३. -झी5
बॉब बिस्वास 3 डिसेंबर रोजी ZEE5 वर प्रीमियर होईल. बॉब बिस्वास हे सुजॉय घोषच्या 2012 मध्ये आलेल्या 'कहानी' चित्रपटातील एका पात्राचे नाव होते. या चित्रपटात अभिनेता शाश्वत चॅटर्जी बॉबच्या भूमिकेत दिसला होता. तो एक LIC एजंट होता, जो भाड्याने खून करायचा. त्या चित्रपटात बॉब सहाय्यक पात्र म्हणून दिसला असला तरी आता दिया अन्नपूर्णा घोष त्याच्यासोबत चित्रपट बनवत आहे. या चित्रपटात अभिषेक बच्चन मुख्य भूमिकेत आहे.
५. इनसाइड एज सीझन 3
डिसेंबर ३ - Amazon Prime Video
प्राइम सदस्य 3 डिसेंबर 2021 रोजी इनसाइड एज सीझन 3 चे सर्व 10 भाग जगभरातील 240 हून अधिक देश आणि प्रदेशांमध्ये बघू शकतात. क्रिकेटचे राजकारण, ग्लॅमर, पैसा यावर यापेक्षा चांगला शो क्वचितच अएखादा असेल.
६. अरण्यक
नेटफ्लिक्स - 10 डिसेंबर
बॉलीवूड अभिनेत्री रवीना टंडनची पहिली वेब सीरिज 'अरण्यक' 10 डिसेंबरला नेटफ्लिक्सवर रिलीज होणार आहे. 'अरण्यक'ची कथा एक भयानक जंगल आणि एक रहस्यमय शहर यांच्यामध्ये फिरते. विनय वैकुल यांनी या वेब सिरीजचे दिग्दर्शन केले असून चाहते या सिरीजसाठी कमालीचे उत्सुक आहेत.
७. मिनल मुरली
24 डिसेंबर - नेटफ्लिक्स
टोविनो थॉमस अभिनीत मल्याळम सुपरहिरो चित्रपट मिन्नल मुरली २४ डिसेंबर रोजी नेटफ्लिक्सवर प्रदर्शित होत आहे. हा चित्रपट एका छोट्या शहरातील एका शिंपीबद्दल आहे, जो सकाळी विजेच्या कडकडाटानंतर अनेक सुपरपॉवरसह उठतो.
८.'अंतिम: द फायनल ट्रुथ'
झी -5
वृत्तानुसार आयुष शर्माचा चित्रपट 'अंतिम: द फायनल ट्रुथ' देखील Zee5 वर प्रदर्शित होईल. याशिवाय हाच चित्रपट सिंगल स्क्रीन थिएटरमध्ये प्रदर्शित होईल. मात्र ही बातमी कितपत खरी आहे याबाबत कोणतीही अधिकृत घोषणा करण्यात आलेली नाही.
९. 'आर्या 2'
डिजने हॉटस्टार प्लस
लवकरच डिस्ने हॉटस्टार प्लसवर प्रसारित होणार आहे. चंद्रचुन सिंह, सिकंदर खेर, नमित दास, सुगंधा गर्ग आणि विश्वजित प्रधान यांच्याशिवाय 'आर्या'मध्ये अनेक स्टार्स दिसले होते. सुष्मिता सेन 'आर्या' या वेबसिरीजमध्ये आर्याची मुख्य भूमिका साकारत आहे. पहिल्या भागात सुष्मिताचा अभिनय खूप आवडला होता. चाहते दुसऱ्या भागाची आतुरतेनेवाट पाहत आहेत.
