सह्याद्री ब्रेकिंग - महानगरपालिकेच्या सत्ताधारी सभापतींना बसावे लागले उपोषणाला

    News24सह्याद्री - 

अहमदनगर महानगर पालिकेच्या गलथान कारभाराला कंटाळून सर्वसामान्य नागरिक नेहमीच संताप व्यक्त करताना दिसतात. मात्र आता महानगरपालिका स्थायी समितीचे सभापती मनोज कोतकर हे स्वतहा पालिकेच्या कारभाराला कंटाळले आहेत. मनोज कोतकर यांनी अहमदनगर महानगरपालिकेच्या हद्दीतील सर्व प्रभागांमध्ये विद्युत साहित्य उपलब्ध करून द्यावे तसेच विद्युत विभागाकरिता स्वतंत्र अभियंत्याची नियुक्ती करावी या मागणी साठी थेट आयुक्त्यांच्या दालनासमोर उ[पोषण सुरु केले आहे. विशेष म्हणजे महानगर पालिकेत भाजपाची सत्ता आहे, तर हि सत्ता राष्ट्रवादीच्या पाठिंब्यानेच भाजपाला मिळाली , तर मनोज कोतकर हे राष्ट्रवादीचे नगरसेवक असतानाही त्यांना उपोषण करावं लागते आहे, यावरूनच सत्ताधाऱ्यांचा प्रशासनावर अंकुश नसल्याचे दिसून येत आहे .मनोज कोतकर यांच्यासमवेत  उपमहापूर मालन ताई  ढोणे  व भाजपचे काही कार्यकर्ते उपोषनाला बसले असल्याचं वृत्त आहे. त्यामुळे आता हे उपोषण चर्चेचा विषय बनले आहे.