'शेण खाऊन नाचण्याचा अधिकार तुम्हाला कोणत्या घटनेने दिला?': संजय राऊत यांची टीका

मुंबई -

संजय राऊत यांच्या पत्नी वर्षा राऊत यांना पाठवलेल्या ईडीच्या नोटिशीनंतर वातावरण चांगलंच तापले आहे. भाजपवर जहरी टीका करण्यात आली आहे. सीबीआय, ईडीसारख्या संस्थांचे अधःपतन सध्या जोरात सुरू झाले आहे; पण यावर भाजपचे म्हणणे असे की, काँग्रेसच्या काळात ईडीचा गैरवापर झाला नाही काय? व्वा! काय म्हणायचे या अक्कलशून्य मंडळींना! काँग्रेसने कधीकाळी चुकीचे वर्तन केले म्हणून आम्हालाही अंगास शेण फासण्याचा व शेण खाऊन थयथयाट करण्याचा अधिकार आहे असेच ते म्हणतात. 

मग हा शेण खाऊन नाचण्याचा अधिकार तुम्हाला कोणत्या घटनेने दिला? असा सवाल अग्रलेखातून शिवसेनेनं केला आहे. डॉ. बाबासाहेब आंबेडकरांची घटनाच बदलून तुम्ही ईडी कार्यालयात बसून नवी घटना लिहून काढलीत? हवाबाण थेरपीचा अतिरेक झाला की, मेंदूत सडकी हवा जाते. त्या पादऱ्या हवेच्या ढेकरा सध्या ज्यांना लागत आहेत त्यांचे नाव भाजप! भाजपच्या 'नव्या घटना समिती'चा विजय असो! डोक्यात सडकी हवा आणि पार्श्वभागात घुसलेला बाण! हेच तुमचे भविष्य!, असे म्हणत जहरी टीका भाजपवर केली आहे.