पार्थ पवारांविषयी मत मांडत रोहित पवार म्हणाले ....

मुंबई -

राष्ट्रवादी काँग्रेसचे नेते आणि राज्याचे उपमुख्यमंत्री अजित पवार यांचे सुपुत्र पार्थ पवार पुन्हा एकदा निवडणुकीच्या रिंगणात उतरणार असल्याची जोरदार चर्चा रंगली आहे. पार्थ पवार यांना पंढरपूर विधानसभेच्या पोटनिवडणुकीत उमेदवारी देण्याची शक्यता वर्तवली जात असून, पार्थ पवार आमदरकीची निवडणूक लढवणार का? असा प्रश्न राष्ट्रवादीचे आमदार रोहित पवार याना विचारला असता , यावर प्रतिक्रिया देत पवार यांनी म्हटले आहे की, पार्थ पवार यांना उमदेवारी द्यायची की नाही, याबाबत शरद पवार साहेब, अजितदा आणि तिथले पालकमंत्री निर्णय घेतील. कार्यकर्ते बोलून जातात पण निर्णय नेते घेत असतात. योग्य तो न्याय तिथे असलेल्या लोकांना दिला जाईल, असा विश्वास रोहित पवार यांनी यावेळी व्यक्त केला. तसेच, परिस्थिती आणि कार्यकर्त्यांची मागणी लक्षात घेतली जाई. कोणी अशी मागणी केली, म्हटले म्हणून लगेच ती पूर्ण होईलच असेही होत नाही, असेही रोहित पवार यांनी यावेळी सांगितले आहे. 

रोहित पवार आज नाशिक जिल्ह्याच्या दौऱ्यावर असून, कार्यकर्त्यांना आवाहन करत म्हटले आहे की, मी आज आमदार म्हणून आलेलो नाही. नागरिक, कार्यकर्त्यांनी गर्दी करू नये, मी पदाधिकाऱ्यांना याबाबत सुचना दिल्या होत्या. मात्र, अनेक कार्यकर्ते इथे आले, मी सांगितले मास्क लावा मात्र त्यांनी ऐकले नाही. मास्क लावा, स्वत: ची काळजी घ्या, असे आवाहन पवार यांनी  कार्यकर्त्यांना केले आहे. 

याचदरम्यान, भाजपचे प्रदेशाध्यक्ष चंद्रकांत पाटील कोल्हापूरला सेटल होणार आहेत, याबाबत रोहित पवार यांना प्रश्न केला असता पवार म्हटले आहे की , ते कोल्हापूरला जातील. पण कोल्हापुरकर त्यांच स्वागत करतात  का हे बघू, असा टोला रोहित पवार यांना यावेळी लगावला आहे. तसेच, एकनाथ खडसे EDच्या चौकशीला समोरे जातील. राजकीय पद्धतीने जर अशा संस्थेचा वापर होत असेल तर ते अयोग्य असल्याचही रोहित पवार यावेळी म्हणाले आहे.