महाराष्ट्रात कोरोनाची पाच जणांना बाधा

पुणे : कोरोना विषाणूची बाधा पुण्यात आणखी दोघांना झाल्याची धक्कादायक माहिती मंगळवारी समोर आली असून आता पुण्यातील कोरोना रुग्णांची संख्या पाचवर पोहोचली आहे. यात एकाच कुटुंबातील तिघांचा समावेश आहे. तर या तिघांनी ज्या ओला टॅक्सीतून प्रवास केला होता, त्या टॅक्सीचालकालाही काेरोनाची लागण झाल्याचे आढळून आले आहे. हा ओलाचालक मुंबईचा असल्याची शक्यता वर्तविली जात असून हा चालक मुंबई आणि पुण्यात ज्यांच्या ज्यांच्या संपर्कात आला होता, त्या सर्वांची तपासणी करण्यात येणार असल्याचे सूत्रांनी सांगितले आहे. दरम्यान, राज्यात ३०९ पैकी २८९ जणांचे अहवाल कोरोनासाठी निगेटिव्ह आले आहेत, अशी माहिती आरोग्यमंत्री राजेश टोपे यांनी दिली.