गॉसिप कल्ला - आमिर खानच्या "सरफरोश" चा येणार सिक्वल

      News24सह्याद्री - आमिर खानच्या "सरफरोश" चा येणार सिक्वल....पहा गॉसिप कल्ला

TOP HEADLNES

1. सुंदरा मनामध्ये भरली’ मालिकेमध्ये होणार हुरडा पार्टी

कमी कालावधीत तुफान लोकप्रिय झालेली मालिका म्हणजे ‘सुंदरा मनामध्ये भरली’. अभिमन्यू आणि लतिका यांच्यातील केमिस्ट्री प्रेक्षकांना विशेष भावत असल्यामुळे सध्या ही मालिका लोकप्रिय मालिकांपैकी एक आहे. या मालिकेत आता अत्यंत रंजक वळणं आलंय. लतिकाची साथ मिळाल्यामुळे अभिमन्यूचं स्पोर्ट्स अॅकॅडमी काढण्याचं स्वप्न पूर्ण झालं असून  नुकतंच अॅकॅडमीच्या जागेचं भूमिपूजन झालंय. त्यांमुळे जहागीरदार कुटुंबात आनंदाचं वातावरण निर्माण झालंय. हाच आनंद द्विगुणित करण्यासाठी हुरडा पार्टी करण्यात येणार आहे.

२.शिल्पा शेट्टीचं रुपेरी पडद्यावर कमबॅक

गेल्या बऱ्याच काळापासून बॉलिवूड अभिनेत्री शिल्पा रुपेरी पडद्यापासून दूर आहे. मात्र, आता पुन्हा एकदा ती प्रेक्षकांच्या मनोरंजनासाठी सज्ज झाली आहे. शिल्पा लवकरच ‘हंगामा 2’ या चित्रपटात झळकणार आहे. विशेष म्हणजे या चित्रपटातील टायटल सॉन्ग नुकतंच चित्रित झालं असून याचे फोटो शिल्पाने इन्स्टाग्रामवर शेअर केले आहेत. या गाण्यात शिल्पा अभिनेत्री हेलन यांच्या रुपात दिसून येत आहे.

३. मोत्यांच्या ड्रेसमध्ये दिसला नोराचा ‘मधुबाला’वाला लूक

बॉलिवूड अभिनेत्री नोरा फतेही एक उत्तम बेली डान्सर असून ती येणाऱ्या प्रत्येक दिवशी आपल्या लूकने चाहत्यांना घायाळ करत असते. आता पुन्हा एकदा नोरा चर्चेत आली आहे आणि त्याला कारणीभूत ठरला आहे तिचा खास ड्रेस. या फोटोमध्ये नोराने मोत्यांचा एक ब्लाऊज घातला आहे, सुप्रसिद्ध अभिनेत्री मधुबालाचा लूक नोराने साकारला असून त्यामध्ये ती  खूप सुंदर दिसत आहे. नोराचा हा खास ब्लॅक अॅन्ड व्हाईट अंदाज क्वचितच पाहायला मिळतो. नोरा फतेहीने या लूकमध्ये एक फोटो आपल्या इन्स्ट्राग्राम अकाऊंटवर शेअर केला आहे. 

४.अभिनेत्री प्रिया बापट इंटरनॅशनल प्रोजेक्टमध्ये झळकणार 

उत्तम अभिनय आणि तितकाच खेळकर स्वभाव यामुळे मराठी अभिनेत्री प्रिया बापटने रसिकांच्या मनात वेगळेत स्थान निर्माण केले आहे.नव्या वर्षात ती नव्या अंदाजात प्रेक्षकांच्या भेटीला येणार आहे.अभिनेत्री प्रिया बापट एका इंटरनॅशनल प्रोजेक्टमध्ये दिसणार आहे. आदित्य कृपलानीच्या या कलाकृतीचे नाव फादर लाइक असे आहे. पुढिल महिन्यात सिंगापूरमध्ये याचे चित्रीकरण सुरू होणार आहे. पहिल्याच इंटरनॅशनल प्रोजेक्टसाठी प्रिया उत्सुक असून हा तिचा पहिलाच इंग्रजी चित्रपट आहे.

५. आमिर  खानच्या "सरफरोश" चा येणार सिक्वल 

बॉलीवूड सुपरस्टार आमिर खान आणि सोनाली बेंद्रे यांच्या 'सरफरोश' चित्रपटाचा सिक्‍वल येणार आहे. विशेष म्हणजे हा चित्रपट सीआरपीएफ जवानांसाठी समर्पित करण्यात येणार आहे. चित्रपट निर्माता जॉन मॅथ्यू मॅथन यांनी हा चित्रपट केंद्रीय राखीव पोलीस दलास समर्पित करण्यात येणार असल्याचे जाहीर केले आहे. चित्रपटाचा सिक्‍वल हा भारताच्या अंतर्गत सुरक्षा व्यवस्थेवर आधारित असून यात विविध समस्या निर्माण होत असतानाही भारताची सुरक्षा व्यवस्था मजबूत असल्याचे दाखविण्यात येणार आहे.आता या सिक्‍वलमध्ये कोण-कोण झळकणार आहे याबाबत चाहत्यांमध्ये उत्सुकता निर्माण झाली आहे.